"Azad edilmiş ərazilərdə baş verən yanğınlar daha təhlükəli hesab olunur".

QÜTB.AZ xəbər verir ki, bunu Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsinin müavini Bəşir Hacıyev yanğınlara qarşı qabaqlayıcı tədbirlərin səmərəliliyini artırmaq məqsədilə Ağdamda keçirilən regional müşavirədə deyib.

B.Hacıyev bunu həmin ərazilərin mina və partlamamış sursatlardan hələ tam təmizlənməməsi ilə əlaqələndirib.

Onun sözlərinə görə, azad edilmiş torpaqlarda baş verən yanğınların fəsadları daha böyük ola bilər.:

"Hətta partlamalarla müşahidə edilə bilər. Bu səbəbdən həmin ərazilərdə yanğınların qarşısının alınması daha çətinləşir".

"Odur ki, vətəndaşlar daha ayıq-sayıq olmalı və yanğın zamanı aidiyyəti qurumlara məlumat verməlidirlər. Hər birimiz bu işin məsuliyyətini dərk etməliyik", - deyə B.Hacıyev əlavə edib.