Son günlərdə İçərişəhərin ətraf ərazilərində yerləşən və Bayırşəhər kimi tanına Bakının tarixi binalarının yerləşdiyi ərazidə qədim qapıların baxımsızlığı ciddi müzakirələrə səbəb olub.

Müşahidələr Bayırşəhərin memarlıq abidələri, qədim qapıları bu gün diqqətdən tamamilə kənar, çürüməyə məhkum edildiyini göstərir. İllərdir ki, bu ərazidə yerləşən tarixi yaşayış binalarının restavrasiya olunmaması Bakının tarixi görünüşünü məhv etməklə yanaşı tarixi binalara diqqətsizliyin göstəricisinə çevrilib. 

Mövzu ilə bağlı Qutb.az-ın sorğusuna Mədəni İrsin Qorunması, İnkişafı və Bərpası üzrə Dövlət Xidmətindən bildirilib ki, Bakı şəhərində yerləşən tarixi abidə olan binalar Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin balansında olmadığından, həmin binalarda və ya onların hər hansı bir hissəsində təmir-bərpa işlərinin aparılması Dövlət Xidmətinin səlahiyyətinə daxil deyil. 

Qurumdan o da bildirilib ki, “Tarix və mədəniyyət abidələrinin qorunması haqqında” Azərbaycan Respublikası Qanununa əsasən, tarixi abidələrdə təbir-bərpa işləri mülkiyyətçi və ya balanssaxlayıcı tərəfindən, Dövlət Xidməti ilə razılaşdırmaqla həyata keçirilməlidir.