PSJ-nin baş məşqçisi Luis Enrike bu yay “Real Madrid”ə keçən Kilian Mbappesiz Fransa nəhənginin oyunu ilə bağlı jurnalistlərin bir sıra suallarını cavablandırıb.
QÜTB.AZ xəbər verir ki, Enrikenin Mbappe ilə bağlı suallardan xoşlanmadığı bəlli olub, o bunlara ironiya ilə cavab verib.
-40 qol vuran Mbappeni necə əvəz etmək olar?
-Dörd oyunçunun hər birinin12 qol vurması daha yaxşıdır. Cəmi 48 top olacaq. 40-dan yaxşıdır.
-PSJ-yə Kilian Mbappe kimi media lideri lazımdır?
– Sahib olduğumuz bütün oyunçulardan çox razıyam. Biz bu layihəni inkişaf etdirməyə davam edəcəyik.
– Mbappenin “Real”dakı ilk addımlarını izləmisiniz?
– Bu ispanlar necə də darıxdırıcıdır! Kilian haqqında daha bir sual! Gizlədəcək heç nəyim yoxdur. Mən həmişə Kilianla yaxşı olmuşam. O, qeyri-adi və mehriban insandır. Onu futbolçu kimi bəyəndim. Ona ən yaxşısını arzulayıram, amma “Real” bizə uduzsun.
