"Mançester Siti" klubu "Bayern"in futbolçusu Coşua Kimmix uğrunda mübarizəyə qoşulub.
Publika.az xəbər verir ki, bu barədə "Mirror" məlumat yayıb.
Mənbənin sözlərinə görə, Pep Qvardiolanın rəhbərlik etdiyi komanda almaniyalı universal oyunçunu 2024-cü ilin yayına qədər gözləməyə hazırdır. Çünki Münhen komandası hazırda futbolçu üçün 58 milyon avro tələb edir. Kimmixin müqaviləsi 2025-ci ilin yayında başa çatır. "Siti" onun transfer qiymətini 24 milyon avroya endirməyi planlaşdırır.
Eyni zamanda Kimmixi almaq üçün favoritlər İngiltərənin digər təmsilçiləri “Liverpul”u və “Mançester Yunayted”dir. Həmçinin, “Barselona” da Almaniya millisinin üzvünü transfer etmək istəyir.
Qeyd edək ki, bu mövsüm Kimmix "pivəçilər"in heyətində bütün turnirlərdə 20 oyun keçirib, 1 qol vurub və 6 məhsuldar ötürmə edib.
Heybət
