“Liverpul”un hücumçusu Məhəmməd Salah 2024-cü ildə Avropanın top 5 liqasında (APL, La Liqa, Serie A, Bundesliqa, Liqa 1) oyunçular arasında qol_ötürmə gösətricisində lider olub.
QÜTB.AZ xəbər verir ki, misirli 2024-cü ildə “Liverpul”un heyətində 29 qol vurub və 23 məhsuldar ötürmə ilə53 xala sahibdir.
İlk üçlüyə həmçinin “Bavariya”nın hücumçusu Harri Keyn (39+11/50) və “Real”ın hücumçusu Kilian Mbappe (37+12/49) daxil olub.
İlk onluğa həmçinin “Lill”dən Conatan David (36+11/47), “Real”ın hücumçusu Vinisius Junior (32+14/46), “Barselona”nın hücumçusu Robert Levandovski (40+6/46), “Çelsi”nin yarımmüdafiəçisi Koul Palmer (29+15/44), “Mançester Siti”nin hücumçusu Erlinq Haaland (38+2/40), “Barselona” hücumçusu Rafinya (24+13/37) və “Ayntraxt”ın hücumçusu Ömər Marmuş (23+14/37) daxil olub.
