“Real”ın baş məşqçisi Karlo Ançelotti müqaviləni niyə uzatmaq qərarına gəldiyini açıqlayıb.

Publika.az xəbər verir ki, bundan əvvəl italiyalının mövsümün sonunda klubdan ayrılacağı və Braziliya millisinə rəhbərlik edəcəyi ilə bağlı xəbərlər yayılmışdı.

“Mən Florentino Peresi ailə başçısı və futbolda heç kimin əldə edə bilmədiyi bir insan hesab edirəm. O, hələ də çox motivasiyalıdır, çünki uşaqlıqdan klubun ən böyük azarkeşi olub və bu, ona bu formaya xüsusi sevgi bəsləməyə imkan verir. O, klubu zirvədə saxlayır.

Mənim üçün “Real” hər şeydən əvvəl ailədir. Hər birimiz ailə mühitində işlədiyimiz üçün ən yaxşısını ortaya qoyuruq.

Müqaviləni uzatdım, çünki komanda bu il olduğu kimi son illərdə də uğur qazanıb. Klub görür ki, bizim yaxşı münasibətimiz var və bu çox vacibdir, çünki məşqçi ilə futbolçular arasında yaxşı münasibət olmasa, klub uğur qazana bilməz. Təbii ki, müqaviləni uzatdığına görə kluba, eləcə də qeyri-adi ruh nümayiş etdirən futbolçulara minnətdaram”, – “Real Madrid İnfo” Ançelottinin sözlərini sitat gətirib.