“Əl-Nəsr”in və Portuqaliya millisinin hücumçusu Kriştiano Ronaldo məşhur futbolçuları Səudiyyə Ərəbistanının Pro Liqasına keçməyə çağırıb.
Publika.az xəbər verir ki, Ronaldo bu barədə “SSC Sports”a müsahibəsində deyib.
“2024-cü ildə 2023-cü ildə olduğu kimi eyni şeyi etməyə çalışacağam. Heç kimin inanmadığı bir vaxtda bura gəlməyə qərar verdiyim üçün xoşbəxtəm.
Amma bu keçmişdə qaldı. İndi ən önəmlisi çempionatın səviyyəsinin yüksəlməsi, oyunçuların liqanın rəqabət qabiliyyətini başa düşdükləri üçün bura gəlmək istəmələridir.
İndi bütün dünya bu çempionatı izləyir və mən yüksək səviyyəli oyunçulara bura gəlməyi məsləhət görürəm, onlar burada xoş qarşılanacaqlar”, - Ronaldo deyib.
38 yaşlı portuqaliyalı təqvim ilində klubda və yığmada 54 qol vuraraq, Harri Keyni (52) və Kilian Mbappeni (52) qabaqlayıb.
