“Əl-Nəsr”in və Portuqaliya millisinin əfsanəvi hücumçusu Kriştiano Ronaldo “Sportinq”ə qayıda bilər.
QÜTB.AZ xəbər verir ki, bu barədə “El Gol Digital” məlumat yayıb.
Mənbənin məlumatına görə, Portuqaliya klubu ulduz veterana ciddi maraq göstərir. Mənbənin sözlərinə görə, Ronaldo peşəkar karyerasına başladığı klubdan gələn təkliflə razılaşa bilər. Forvardın karyerasını “Sportinq”də başa vuracağı gözlənilir.
“Transfermarkt” internet portalı 39 yaşlı Ronaldonun transfer dəyərini 12 milyon avro qiymətləndirir. Forvardın klubla müqaviləsi 2025-ci ilin yayına kimi nəzərdə tutulub.
Bu mövsüm Ronaldo “Əl-Nəsr”in heyətində bütün turnirlərdə 19 oyun keçirib, 16 qol vurub və 3 məhsuldar ötürmə verib.
