Konfrans Liqasınım qalibi olan "Olimpiakos"un forvardı Ayub El-Kaabi rekorda imza atıb.
QÜTB.AZ xəbər verir ki, Yunanıstan təmsilçisi məhz mərakeşli futbolçunun yeganə qolu sayəsində İtaliya “Fiorentina”sını məğlub edib.
Bununla El-Kaabi Konfrans Liqasının pley-off mərhələsində vurduğu qolların sayını 11-ə çatdırıb. Hücumçu 1/16 finalda "Ferentsvaroş" ilə matçların hərəsində bir qol vurub, 1/8 finalda "Makkabi" ilə iki oyunda 3 dəfə, "Aston Villa" ilə yarımfinal görüşlərində isə 5 dəfə (het-trik + dubl) fərqlənib. Bunun sayəsində o, bir UEFA turnirinin pley-off mərhələsində 11 qol vuran ilk oyunçu olub.
Daha əvvəl Kriştiano Ronaldo (2017) və Kərim Benzema (2022) Çempionlar Liqasının pley-off mərhələsində hərəyə 10 qol vurub. Radamel Falkao (2011) isə Avropa Liqasında eyni sayda fərqlənib.
