Fransanın Marsel şəhərində İsveçrə Yelkənli İdman Federasiyasının prezidenti Lukas Landolta hücum edilib.
QÜTB.AZ xəbər verir ki, o, taksi sürücüsü tərəfindən silahla qarət edilib. Bu barədə “La Provence” jurnalı məlumat yayıb. Landolt İsveçrə komandasının yarışlarında iştirak etmək üçün Marselə gəlib. Axşam kirayə qaldığı mənzilə çatmaq üçün taksi tutub.
Sürücü onu lazımi yerə aparıb və Landolt maşından düşəndə silah gücü ilə onlardan nağd pulu alıb. Landolt soyğunçudan xilas ola bilib və polisə müraciət edib. Taksi sürücüsü səhər saatlarında həbs edilib. Onun artıq məhkəmə qarşısında dayandığı məlum olub. Onun Landoltdan nə qədər pul oğurlaya bildiyi məlum deyil.
Publika
