Xorvatiya millisinin yarımmüdafiəçisi Luka Modriç Millətlər Liqası çərçivəsində baş tutacaq Şotlandiya ilə oyundan əvvəl maraqlı açıqlama verib.
QÜTB.AZ xəbər verir ki, o, son zamanlarda ilk dəfə meydanda ondan yaşlı futbolçu olacağını bildirib:
“Mənim üçün millidə oynamaq xüsusi bir şeydir. Ən yüksək şərəfdir və məni motivasiya edən də budur. Şotlandiya millisinin qapıçısı Kreyq Qordonu tanıyıram, ilk dəfə meydanda məndən yaşlı birinin olacağını bilmək çox xoşdur”.
Modriç sentyabrda 39 yaşını qeyd edib. Şotlandiyalı qapıçı Kreyq Qordonun dekabrda 42 yaşı tamam olacaq.
Qeyd edək ki, Xorvatiya - Şotlandiya görüşü bu gün saat 20:00-da keçiriləcək.
Qutb
