Xorvatiyanın “Osiyek” klubunun idman direktoru Xose Botanın maşınına atəş açılıb.
QÜTB.AZ xəbər verir ki, “Goal”ın məlumatına görə, onun avtomobilinin ön şüşəsində yeddi güllə dəliyi tapılıb. Botunun hazırda Portuqaliyada tətildə olduğu bildirilir.
Hadisə barədə çərşənbə günü səhər polisə “Osiyek” akademiyasının rəhbəri Alfredo Almeyda məlumat verib – o, Botanı Zaqreb hava limanına aparandan sonra Osiyekə qayıdıb və avtomobili şəhərin mərkəzindəki evin yaxınlığında park edib.
Hazırda polis hadisəni araşdırır. Hadisəni törədənin kimliyi hələ müəyyən edilməyib.
Xose Boto keçən qışdan “Osiyek”in idman direktoru vəzifəsini icra edir. Portuqaliyalı mütəxəssis əvvəllər PAOK və “Şaxtyor” da oxşar vəzifədə çalışıb.
