İngiltərə Futbol Assosiasiyası (FA) Qaret Sautqeytin istefaya göndərilməsindən sonra Pep Qvardiolanın milli komandanın yeni baş məşqçisi təyin edilməsi variantını nəzərdən keçirəcək.
Publika.az xəbər verir ki, bu barədə "The İndependent" məlumat yayıb.
Mənbənin sözlərinə görə, FA 2024/25 mövsümünün sonunda "Mançester Siti"ni tərk etmək şərti ilə 53 yaşlı mütəxəssisi 1 il gözləməyə hazırdır. Belə olan halda Qvardiola gələnə qədər İngiltərə yığmasına müvəqqəti olaraq başqa məşqçi rəhbərlik edəcək. Namizədlərdən biri də ölkənin gənclərdən ibarət milli komandasını idarə edən Li Karslidir.
Qvardiola 2016-cı ildən İngiltərədə çalışır. Kataloniyalı mütəxəssis bu müddət ərzində 17 kubok qazandığı “Mançester Siti”ni çalışdırır.
Heybət
