Rusiya prezidenti Vladimir Putin andiçmə mərasimindən sonra ilk xarici səfərini Çinə edə bilər.

Publika.az xəbər verir ki, bu barədə “Vedomosti” məlumat yayıb.

Mənbənin məlumatına görə, Rusiya lideri Çinə səfəri mayın ikinci yarısında reallaşa bilər. Lakin hələlik səfərin yekun təsdiqi yoxdur.

Mənbələrdən biri bildirib ki, müzakirənin gündəliyinə ilk növbədə regional təhlükəsizlik, ikitərəfli münasibətlər, Rusiya Federasiyası ilə ÇXR arasında elmi-texniki əməkdaşlığın genişləndirilməsi, eləcə də Şanxay Əməkdaşlıq Təşkilatının (ŞƏT) genişləndirilməsi prosesi daxil olacaq.

Martın 19-da Kremlin sözçüsü Dmitri Peskov bildirib ki, hazırda prezidentin bir neçə görüşü və yüksək səviyyədə bir sıra təmaslara hazırlıqlar gedir.

Bundan əvvəl "Reuters"də Putinin mayda Çinə səfər edəcəyini yazmışdı .

Həmçinin bildirilib ki, müvafiq idarələrdə Türkiyə lideri Rəcəb Tayyib Ərdoğanın tapşırığı ilə Vladimir Putinin Ankara səfərinə hazırlıq işləri aparılır.

Hüseyn İbadlı