"Sevilya"nın müdafiəçisi Serxio Ramos La Liqanın 19-cu turunda "Atletik"lə oyundan sonra emosiyalarına hakim ola bilməyib.
“Ramon Sançes Pisxuan”da keçirilən görüş “Sevilya”nın 0:2 hesablı məğlubiyyəti ilə yekunlaşıb.
Publika.az xəbər verir ki, oyundan sonra müsahibə verən Ramos tribunada qışqıran bir azarkeşə görə əsəbiləşib. O, müsahibən yarımçıq saxlayaraq həmin fanata irad bildirib.
“Bir az hörmət edin, danışırıq. İnsanlara və klubun loqosuna hörmət edin. İnsanlara hörmət et və sus!” - deyə 37 yaşlı Ramos deyib.
"Sevilya" bu mövsüm keçirdiyi 19 liqa oyunundan yalnız 3-də qalib gəlib.
