Dubay həbsxanalarından birində olan ” Spartak”ın hücumçusu Kvinsi Promes həbsxana kompleksinin qaydalarına uyğun olaraq başını keçəl qırxdırmalı olub.
Publika.az xəbər verir ki, bu barədə “De Telegraaf” məlumat yayıb.
Mənbənin sözlərinə görə, bu həbsxanaya daxil olan bütün məhbuslar başlarını keçəl qırxırlar. Saçlarını sonradan uzadan məhbuslar həbsxanada bütün şöbəyə şamil edilən cəzalarla üzləşirlər. Bu o deməkdir ki, məhbuslar daha tez-tez təraş etməlidirlər.
Qanunu pozanlara müvəqqəti olaraq zəng etmək və televizora baxmaq qadağan edilə bilər.
Kvinsi Promes BƏƏ-də təyyarəyə minərkən saxlanılıb. “Spartak” qış hazırlığını bu ölkədə keçirib, lakin Promes olmadan Rusiyaya uçub.
Mətbuat idmançının ya ittiham olunduğu Niderlanda təhvil veriləcəyini, ya da Rusiyaya qaytarıla biləcəyini yazıb.
