Qara dənizdə, Anapanın mərkəzi çimərliyinin yaxınlığında neft ləkəsi aşkar edilib.
QÜTB.AZ xəbər verir ki, bu barədə regional Fövqəladə Hallar Nazirliyi məlumat yayıb.
“Anapanın mərkəzi çimərliyinin sahilindən Vityazevo kəndi istiqamətində 1,5 kilometr aralıda yağlı ləkə aşkar edilib. Dəniz Xilasetmə Xidmətinin mütəxəssisləri neft-su qarışığını yığmağa başlayıblar”, - məlumatda deyilir.
Qeyd olunur ki, kütləvi çirklənmədən bəri Anapa və Temryuk bölgəsinin çimərlik zonasından 102 min tondan çox çirklənmiş qum və torpaq çıxarılıb.
Xatırladaq ki, dekabrın 15-də "Volqoneft-212" və "Volqoneft-239" tankerləri Kerç boğazında qəzaya uğrayıb. Rusiya Fövqəladə Hallar Nazirliyinin məlumatına görə, hadisə nəticəsində Qara dənizə təxminən 3,8 min ton mazut tökülüb.
Hüseyn İbadlı
