“Napoli”nin vingeri Xviça Kvaratsxeliya UEFA Çempionlar Liqasının 1/8 final mərhələsinin “Barselona” ilə ilk oyununda (1:1) əvəzlənməyinə əsəbiləşib.
Publika.az xəbər verir ki, bu barədə "Football İtalia" məlumat yayıb.
Mənbənin sözlərinə görə, gürcü futbolçu erkən - 68-ci dəqiqədə əvəzlənməsinə təəccüblənib. Gürcü İtaliya klubunun baş məşqçisi kimi debüt matçını keçirən Françesko Kalzone ilə əl sıxmayıb. O, komanda yoldaşları ilə belə görüşməyib. Stadionu elə ilk tərk edən də Kvaratsxeliya olub.
Xviça 2022-ci ilin yayından "Napoli"də çıxış edir. Bu mövsüm cinah oyunçusu partenopeylilərin heyətində bütün yarışlarda 33 oyun keçirib, 6 qol vurub və 4 məhsuldar ötürmə edib. Futbolçunun İtaliya klubu ilə müqaviləsi 2027-ci ilin iyunun sonuna kimi qüvvədədir.
Heybət
