2026-cı il mövsümündə yarışlara başlayacaq “Audi” Formula 1 komandası pilot Niko Hülkenberqlə müqavilə imzaladığını açıqlayıb.
Publika.az xəbər verir ki, alman bu mövsümdən sonra “Haas”ı tərk edir və 2025-ci il mövsümündə “Sauber”də olacaq.
“Sauber” 2026-cı ildə adını dəyişərək “Audi” olacaq. Alman avtomobil nəhəngi artıq “Sauber”i alıb və zavod komandası kimi F1-də iştirak etməyə hazırlaşır, lakin yenə də köhnə brend altında növbəti çempionatı keçirəcək.
36 yaşlı Hülkenberq bu mövsüm autsayder “Haas”ın heyətində 4 xal toplayıb.
“Audi” komandanın bir nömrəsi üçün Karlos Sayntsı nəzərdən keçirir.
