“The Guardian” qəzeti İngiltərə liqalarında futbolçuların snusdan istifadə etməsi ilə bağlı araşdırmanın nəticələrini dərc edib.

Publika.az xəbər verir ki, respondentlərin nümunəsinə Premyer Liqa, İngiltərə Futbol Liqası (digər çempionatlar) və qadınlar liqasının futbolçularının nümayəndələri daxildir.

Sorğuda iştirak edən hər 5 peşəkar kişi və qadın oyunçudan biri snus, nikotin kisələri və ya hər ikisindən istifadə edir. Peşəkar Futbolçular Assosiasiyasının (PFA) sifarişi ilə Lafboru Universitetində aparılan araşdırma, hər 5 nəfərdən ikisinin ən azı bir dəfə snus sınadığını aşkar edib.

Premyer Liqa və ya İngiltərə Futbol Liqası klublarında sorğuda iştirak edən 628 kişi oyunçunun 18%-i snus istifadə etdiyini bildirib. Qadın futbolçuların 22%-i bundan müntəzəm istifadə edir.

Müsahibə edilən 16 peşəkar klub və tibb işçisindən biri oyunçuların bundan "mübarizə mexanizmi" kimi istifadə etdiyini söyləyib. Paketlərdən iştahkəsici kimi istifadə olunur.

Qeyd edək ki, snus siqaret çəkməyə "daha yaxşı" alternativ olaraq görülən tüstüsüz tütün məhsulu hesab edilir.

Hesabat snusun potensial mənfi fiziki təsirlərini vurğulayır. Mövcud sübutların nəzərdən keçirilməsi onu göstərir ki, onun istifadəsi siqaret çəkməyənlərlə müqayisədə mədəaltı vəzi xərçəngi, eləcə də ürək-damar xəstəlikləri riskinin artması ilə əlaqələndirilir.

Heybət