Məşhur tennisçi Cennifer Bredi dizindən əməliyyat olunub.
Publika.az xəbər verir ki, o, bu barədə sosial şəbəkə hesabında məlumat verib.
“Bu gün əməliyyat zamanı hər şey çox yaxşı keçdi. Mən əməliyyatdan sonra Ayla Tomlyanoviç kimi yaraşıqlı görünmək istərdim”, – deyə amerikalı raketka ustası yazıb.
Tomlyanoviçin xoşxassəli şişi götürülüb. Maraqlıdır ki, reabilitasiya dövründə Cennifer Kaliforniya Universitetinin qadın tennis komandasında köməkçi məşqçi kimi çalışacaq.
Bredi daha çox 2021-ci ildə Avstraliya Açıq çempionatının finalçısı kimi tanınır. Dizindəki zədədən sonra o, 2 ilə yaxın yarışlardan uzaq qalıb. 2023-cü ilin avqustunda idmana qayıdıb. Bundan sonra o, cəmi 12 oyun keçirib və 6-da qalib gəlib.
