“Braqa”nın futbolçusu Paulo Oliveyra Avropa Liqası pley-off mərhələsinin “Qarabağ”la matçından öncə keçirilən mətbuat konfransında iştirak edib.

Publika.az xəbər verir ki. 32 yaşlı mərkəz müdafiəçisi məsuliyyətli və ciddi olmalı olduqlarını bildirib:

“Nəticələrə və növbəti oyunlara görə yaşayırıq. “Qarabağ” çempionatında o qədər də rəqabət olmayan və Portuqaliyada çıxış etmiş oyunçuların sayı çox olan komandadır. Mürəkkəb oyun olacaq. Biz yaxşı nəticə əldə etmək üçün bir-birimizə sadiq qalmaq istəyirik. Bilməliyik ki, bu, pley-off mərhələsidir, sabah burada heç nə həll edilməyəcək. Nə qədər məsuliyyətli və ciddi olsaq, növbəti oyun üçün bir o qədər çox üstünlük əldə edə bilərik. Evdə, azarkeşlərimizlə oynamaq işimizi görmək üçün yaxşı fürsətdir. “Sportinq”lə matçda istədiyimiz oyunu oynamadığımızın fərqindəyik. Sabaha baxmaqdan başqa yol yoxdur. Son oyunun nəticəsi bizim işimizi və klubun fəlsəfəsini əks etdirmir. Keyfiyyətimizi nümayiş etdirmək və hamımız üçün vacib yarışda irəliləmək üçün əlimizdən gələni edəcəyik”.