“Mançester Siti”nin hücumçusu Erlinq Haalandın yeni müqaviləsi Avropa futbolu tarixində ən böyük müqavilələrdən biridir.
QÜTB.AZ xəbər verir ki, yeni müqavilənin detallarını “Sky Sports” yayıb.
Yeni müqaviləyə əsasən norveçli vergilərdən əvvəl həftədə 400 min funt-sterlinq alacaq. Bu, onu komandanın ən çox maaş alan oyunçusu edir.
Bundan əlavə, bu, hazırkı Premyer Liqada ən uzunmüddətli müqavilədir – Erlinqin müqaviləsi 2034-cü ildə başa çatır. Bundan əvvəlki rekordçular müqavilələri 2033-cü ilin yayında başa çatacaq “Çelsi” təmsilçiləri Nikolas Cekson və Koul Palmer idi.
Bununla belə, müqavilənin bu cür şərtlərini təmin edən “Mançester Siti” özü də üstünlük əldə edib. Hər hansı klub Haalandı almaq istəyərsə, ancaq klub rəhbərliyi ilə danışıqlar aparmalıdır.
Daha əvvəl “Real” və “Barselona”nın Haalandla maraqlandığı bildirilirdi.
