Qalmaqallı “The Spare” memuarı çap olunduqdan və Şahzadə Harri ilə Meqan Markl Böyük Britaniyadan deportasiya edildikdən sonra onlar Portuqaliyada ev alıblar. Kiçik oğlunun açıqlamalarından narazı qalan Kral III Çarlz mərhum Kraliça II Yelizaveta tərəfindən onlara verilmiş Froqmor kottecinin boşaldılmasını tələb edib. Son vaxtlara qədər vətənə nadir səfərlər zamanı Sasseks hersoqu və hersoginyası mehmanxanalarda və ya Şahzadə Harrinin əmisi, Şahzadə Diananın qardaşı Çarlz Spenserin evində qalmağa məcbur olurdular.

QÜTB.AZ "Daily Mail"ə istinadən xəbər verir ki, bununla belə Harri və Meqan Portuqaliyada daşınmaz əmlak alıblar.

Qeyd edilir ki, bu alışa şahzadənin qardaşı qızı şahzadə Yevgeniyanın bir neçə il əvvəl Harri və Meqanı əri Cek Bruksbankla birlikdə Melidesdəki malikanəsində qalmağa dəvət etməsi də təsir edib.

Cek CostaTerra kottec kompleksinin marketinq şöbəsində işləyir və ola bilsin ki, Susseks hersoqu və hersoginyasına Portuqaliyadakı evlərini almağa kömək edib. Bildirilir ki, Portuqaliyada daşınmaz əmlaka sahib olan Harri və Meqan Şengen zonası ölkələrində sərbəst hərəkət edə bilərlər.

Qəzet istehza ilə qeyd edir ki, bu, onların özünü reklam və yalançı xeyriyyə aksiyaları həyata keçirməsi üçün yeni üfüqlər açır.

Adəm Abbaslı