Dünyanın nüfuzlu avtoidman yarışlarından olan NASCAR-da müntəzəm mövsümün ikinci mərhələsi baş tutub.

Publika.az xəbər verir ki, yarış olduqca maraqlı alınıb. Startdan bir az sonra - elə ilk dövrdədə 16 maşının iştirakı ilə qəza baş verib. Buna görə qalxan sarı bayraqlar mübarizənin qızışmasına imkan verməyib.

Martin Trueks Junior pelotonun yavaşlamasına reaksiya verməyə gecikib, qarşısında hərəkət edən Ostin Dillonun avtomobilinə arxa hissədən dəyib. Nəticədə onun maşını bir neçə dəfə fırlanıb və zəncirvari qəzanın yaranmasına səbəb olub.

Sonradan ayrı-ayrı hadisələr baş versə də, yarış böyük qəzalar olmadan keçib. Ancaq finiş də start kimi maraqlı olub.

Finişə 3 pilot - Kayl Buş, Daniel Suares və Rayan Bleyni eyni vaxtda çatıb. Qalib fotofinişlə müəyyənləşib. Təkrara baxdıqdan sonra Suaresin Bleynini 0,003 saniyə, Buşu isə 0,004 saniyə qabaqladığı məlum olub.

Heybət