"Liverpul"un baş məşqçisi Yurgen Klopp mövsümün sonunda İngiltərə klubunu tərk edəcək.
Publika.az xəbər verir ki, "Bayern" almaniyalı mütəxəssisi 2025-ci ilin yayında komandaya baş məşqçi təyin etmək variantını nəzərdən keçirir. Bu barədə "Focus" məlumat yayıb.
Eyni zamanda, Münhen klubunnun rəhbərliyi 2024/2025 mövsümü üçün müvəqqəti məşqçi tapmalıdır. Qeyd olunur ki, Hans-Diter Flik Münhen komandasının müvəqqəti məşqçisi ola bilər.
Xatırladaq ki, yanvar ayında Yurgen Klopp bu mövsümün sonunda "Liverpul"u tərk edəcəyini bildirmişib. Alman mütəxəssis açıqlamasında artıq komandanı çalışdırmağa enerjisinin olmadığını açıqlayıb. Buna görə 1 il istirahət etmək istədiyini bildirib.
56 yaşlı mütəxəssis 2015-ci il oktyabrın 8-də "Liverpul"un baş məşqçisi olub. Bu müddət ərzində Yurgen Klopp "qırmızılar"la 9 kubok qazanıb. Onun rəhbərliyi altında "Liverpul" UEFA Çempionlar Liqası, Premyer Liqa, Liqa Kuboku (2 dəfə), İngiltərə Kuboku, İngiltərə Super kuboku, UEFA Super Kuboku və Klublararası Dünya Çempionatı kimi turnirlərin qalibi olub.
Heybət
