Rusiya prezidenti Vladimir Putin Şimali Koreyaya səfəri zamanı Koreya Xalq Demokratik Respublikasının (KXDR) rəhbərliyi ilə geniş və dar tərkibdə danışıqlar aparıb.
Publika.az xəbər verir ki, məsləhətləşmələrin nəticəsi olaraq tərəflər arasında Hərtərəfli Strateji Tərəfdaşlıq Sazişi imzalanıb.
Putin qeyd edib ki, saziş, həmçinin sazişin tərəflərindən birinə qarşı təcavüz halında qarşılıqlı yardımın göstərilməsini nəzərdə tutur.
Müqavilənin sülh və müdafiə xarakteri daşıdığını vurğulayan Şimali Koreya lideri Kim Çen In isə Rusiyanı “ən vicdanlı dost və müttəfiq, Putini isə Koreya xalqının ən əziz dostu” adlandırıb.
Liderlər həmçinin hədiyyələr mübadiləsi aparıblar. Belə ki, Koreya liderinə yeni “Aurus”, Putinə isə öz təsvirləri olan bir neçə sənət əsəri hədiyyə edilib.
