Futbol üzrə İngiltərə Premyer Liqasında XXIV turun mərkəzi oyunu keçirilib.

Publikaə.az xəbər verir ki, "Arsenal" doğma meydanda "Mançester Siti"ni qəbul edib. Görüş London klubunun 5:1 hesablı qələbəsi ilə yekunlaşıb. "Topçular"ın heyətində qolları Martin Odeqar, Tomas Parti, Mayls Luis-Skelli, Kay Haverts və Eten Nvaneri vurublar. "Şəhərlilər"in yeganə qoluna isə Erlinq Holann imza atıb.

Bu nəticədən sonra xallarını 50-yə çatdıran "Arsenal" 2-ci pillədə qərarlaşıb. "Mançester Siti" isə 41 xalla dördüncüdür.

Turun əvvəlki oyunlarında aşağıdakı nəticələr qeydə alınıb:

"Nottingem Forest" - "Brayton" - 7:0

"Nyukasl" - "Fulhem" - 1:2

"Vulverhempton" - "Aston Villa" - 2:0

"Bornmut" - "Liverpul" - 0:2

"Brentford" - "Tottenhem" - 0:2

"Mançester Yunayted" - "Kristal Pelas" - 0:2

"Everton" - "Lester" - 4:0

"İpsviç" - "Sauthempton" - 1:2

Qeyd edək ki, tura fevralın 3-də keçiriləcək "Çelsi" - "Vest Hem" oyunu ilə yekun vurulacaq.