“Tottenhem”in və Fransa millisinin sabiq qapıçısı Uqo Lloris maaşının xeyli azaldılması şərti ilə MLS klubu “Los Anceles”ə keçməsinin səbəblərindən danışıb.

Publika.az xəbər verir ki, Lloris bu barədə “The Athletic”ə açıqlamasında bildirib.

“Mən karyeramda elə bir nöqtəyə gəldim ki, növbəti layihəmi və tapşırığımı seçməkdə sərbəst idim. İndi MLS ilə bağlı hər şeydən həzz alıram. Onların qapıçı büdcəsi var ki, onu aşa bilmədilər, çünki qayda belədir, ona görə də maaş məsələsini heç müzakirə də etmədik. Bu, mənim nə qədər dəyişmək istədiyimi göstərir!”, – Lloris bildirib.

37 yaşlı fransız qapıçı 2024-cü ilin yanvarında azad agent kimi “Tottenhem”dən Amerikanın “Los Angeles” klubuna keçib və onunla 2024-cü ilin sonuna qədər müqavilə imzalanıb.

Onun illik məvacibi 350 min dollar olub. “Tottenhem”də isə bu məbləği cəmisi 3 həftəyə alırdı.