Rafael Nadal və Karlos Alkarasın pərəstişkarları Las-Veqasda keçiriləcək yoldaşlıq matçı çərçivəsində ispan tennisçilərinin ustad dərslərinə 150 min dollara bilet alıblar.
Publika.az “Marca”ya istinadən xəbər verir ki, “Ulduzlarla tanış olun” xüsusi paketi ən çox satılanlardan biri olub.
Eyni zamanda tennisçilərin qrup üzrə master-klassı üç dəfə az – 50 min dollara başa gələcək. Tennis həvəskarlarına Con İsner, Teylor Frits, Frensis Tyafoe, Bob və Mayk Brayandan da ödənişli dərslər təklif olunur. Tennisçilərlə sadə görüşün qiyməti isə 1000 dollardır.
Qeyd edək ki, yoldaşlıq matçı martın 3-də baş tutacaq.
