Hökumət kənd təsərrüfatı sektoruna verilən subsidiyaları azaltdığına görə alman fermerlər ölkənin bir çox şəhərlərində, xüsusən də Berlində əsas arteriyaları və magistral yolların giriş-çıxışlarını bağlayıblar.

Publika.az xəbər verir ki, Almaniyada on minlərlə fermer Sosial Demokrat Partiyası, Yaşıllar və FDP-dən ibarət koalisiya hökumətinin subsidiyaları məhdudlaşdırma qərarına etiraz etmək üçün traktorlarla küçələrə çıxıb. Onlar magistral yolda nəqliyyatı bağlayıblar. Bəzi şəhərlərdə uşaq bağçaları və məktəblər də bağlanıb.

Alman Fermerlər İttifaqının prezidenti Yoahim Rukvied aksiyaçı fermerləri şiddətdən uzaq durmağa çağırıb:

“Biz döyüşmək üçün deyil, haqlı tələblərimizin yerinə yetirilməsi üçün yollardayıq. Buna diqqət edək”.

Almaniyanın Federal İqtisadiyyat və İqlim Mühafizəsi Naziri Robert Habeck etirazçılara sərt reaksiya verib və buna bənzər davranışların heç bir faydası olmadığını vurğulayıb:

​​“Biz ekstremist qüvvələrin cəmiyyəti etibarsızlığa sürükləməsinə imkan verməməliyik. Çevriliş fantaziyaları demokratik dövlətimizi məhv etmək məqsədi daşıyır və biz bunun baş verməsini seyr edə bilmərik”.

Roza