Bu gün sosial şəbəkələrdə Bakı-Quba-Rusiya ödənişli yolunda BMW markalı minik avtomobilinin yüksək sürətlə hərəkətdə olarkən aşmasını əks etdirən görüntülər yayılıb.
Publika.az-ın əldə etdiyi məlumata görə, hadisənin ötən ay Siyəzən rayonu ərazisində baş verməsi üzə çıxıb.
Bəlli olub ki, ödənişli yolun Böyük Həmyə kəndindən keçən 111-ci kilometrliyində 77 MH 914 dövlət qeydiyyat nişanlı avtomobilin sürücüsü idarəetməni itirib. Nəticədə avtomobil metal maneələri dağıdaraq yol kənarına çıxıb və bir neçə dəfə dövrə vuraraq aşıb.
Hadisə nəticəsində sürücü ölüb. 3 nəfər isə ağır xəsarət alıb.
Qəza yerindən görüntüləri təqdim edirik.
Turqut Seyidov
