Xəbər verdiyimiz kimi, ötən gün Sabunçu rayonunun Kürdəxanı qəsəbəsində ağır yol-nəqliyyat hadisəsi baş verib.
Milli.Az xəbər verir ki, Bakı Şəhər Dövlət Yol Polisi İdarəsinin baş inspektoru Araz Əsgərli "Qafqazinfo"ya bildirib ki, hadisə zamanı 3 nəfər - "Toyota Prius" markalı maşının sürücüsü Arzu Nəqiyev, sərnişin Cavanşir Sayidov və "Mersedes" markalı maşının sürücüsü Teymur Məmmədtağıyev aldığı xəsarətlərdən hadisə yerində vəfat edib.
"Toyota Prius" markalı maşında olan digər sərnişin Könül Muradova isə kəllə-beyin sirkələnməsi xəsarəti ilə Sabunçu Tibb mərkəzinə daxil olunub, vəziyyəti normaldır.
-------
09:00
Bakıda dörd maşının iştirakı ilə baş verən qəzada ölənlərin sayı artıb.
Milli.Az APA-ya istinadən bildirir ki, hadisə zaman üç nəfər ölüb.
Qəza nəticəsində xəstəxanaya yerləşdirilən 1980-ci il təvəllüdlü Məmmədtağıyev Teymur Mirzəağa oğlu həkimlərin səyinə baxmayaraq ölüb.
Qeyd edək ki, ölən Saidov Cavanşir Xətai Rayon Polis İdarəsinin əməkdaşıdır.
-----
23:45
Sabunçu rayonunun Kürdəxanı qəsəbəsində ağır yol-nəqliyyat hadisəsi baş verib.
Bakı Şəhər Dövlət Yol Polisi İdarəsinin baş inspektoru Araz Əsgərli qafqazinfoya bildirib ki, 4 minik avtomobilinin toqquşması nəticəsində 2 nəfər ölüb, 1 nəfər xəsarət alıb.
Hadisə yerinə polis, xilasetmə və təcili tibbi yardım briqadası cəlb olunub.
Sabunçu Rayon Polis İdarəsində araşdırma aparılır.
Hadisənin təfərrüatları barədə əlavə məlumat olacaq.
Milli.Az
