Avtomobil motosikletlə toqquşub, nəticəsi ağır olub.
Milli.Az Xəzər TV-yə istinadən bildirir ki, hadisə magistral yolun Şəki rayonunun Kiçik Dəhnə kəndi ərazisində qeydə alınıb. Bərdə sakini Xəqani Əkbərovun idarə etdiyi avtomobillə Suçma kənd sakini, 36 yaşlı Vasif Manafovun idarə etdiyi motosiklet toqquşub. Yol-nəqliyyatı hadisəsində motosiklet sürücüsü Vasif Manafov aldığı xəsarətlərdən hadisə yerində ölüb.
Sabirabadda isə gecə avtomobil piyadanı vuraraq öldürüb.
Hərəkətdə olan minik avtomobili yolu keçən Sabirabad rayonunun qalağayın kənd sakini, 58 yaşlı Cəbrayıl Nağıyevi vurub. Yol-nəqliyyat hadisəsi zamanı piyada aldığı xəsarətlərdən dünyasını dəyişib.
Faktla bağlı araşdırma aparılır.
Mövzu ilə bağlı daha ətraflı videomaterialı təqdim edirik.
Milli.Az
