Nazirlər Kabineti “Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələblər”i təsdiq edib.
Publika.az xəbər verir ki, bununla bağlı Baş nazir Əli Əsədov yeni qərar imzalayıb.
Tələblər “Avtomobil nəqliyyatı haqqında” qanuna uyğun hazırlanıb, müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəricilərinin, o cümlədən onların daxili və xarici tərtibatına dair tələblərin hüquqi əsaslarını müəyyən edir.
xxx
Nazirlər Kabineti "Ödəniş xidmətləri və ödəniş sistemləri haqqında” 14 iyul 2023-cü il tarixli qanunun icrası ilə əlaqədar bəzi qanunlarda dəyişiklik edilməsi barədə 5 dekabr 2023-cü il 5 dekabr tarixli qanunun icrasını təmin etmək məqsədilə bəzi qərarlarında dəyişiklik edib.
Publika.az xəbər verir ki, bununla bağlı Baş nazir Əli Əsədov yeni qərar imzalayıb.
Qərara əsasən, "Dövlət Gömrük Komitəsinin apardığı reyestrə daxil olmaq üçün banklar və bank olmayan kredit təşkilatlarının müraciətlərinə baxılması Qaydası”na 3 nömrəli əlavə (Qarantiya öhdəliyi) dəyişib. Əgər indiyə qədər gömrük borcu ödəniş sənədi təqdim edildiyi gündən 3 iş günü müddətində bank hesabına ödənilməli idisə, bundan sonra sərəncamın icraya qəbul edildiyi vaxtdan növbəti iş günündən gec olmayaraq ödənilməlidir.
xxx
Nazirlər Kabineti “Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydaları”nı təsdiq edib.
Publika.az xəbər verir ki, bununla bağlı Baş nazir Əli Əsədov yeni qərar imzalayıb.
Bu Qaydalar “Azərbaycan Dəmir Yolları” QSC-nin yaradılması haqqında” ölkə Prezidentinin 20 iyul 2009-cu il tarixli srəncamında dəyişikliklər edilməsi və "Səhmdar Cəmiyyətinin fəaliyyətinin təkmilləşdirilməsi ilə bağlı əlavə tədbirlər barədə” dövlət başçısının 18 sentyabr 2015-ci il tarixli fərmanının 2.1-1-ci bəndinin icrası məqsədilə hazırlanıb və dəmir yolu nəqliyyatı ilə sərnişinlərin daşınması fəaliyyətinin subsidiyalaşdırılması qaydalarını müəyyən edir.
