Bu gün saat 01 radələrində Binəqədi rayonu Xocasən qəsəbəsində bıçaqlanma hadisəsi olub.
Bu barədə Milli.Az-a Daxili İşlər Nazirliyindən məlumat verilib.
Bildirilib ki, 1965-ci il təvəllüdlü Fətəliyev Vasif Fətəli oğlunun kəsilmiş-deşilmiş xəsarətlərdən ölməsi barədə polisə məlumat daxil olub.
Cinayət əməlini törətməkdə şübhəli bilinən V. Fətəliyevin qardaşı Bayram Fətəliyev saxlanılıb.
İlkin məlumata görə, hadisə şəxsi münasibətlər zəminində baş verib.
Araşdırma aparılır.
Milli.Az
