Məşhur şərab dequstatoru, NTV-də yayımlanan "Vedat Milorla Tadı Damağımda" proqramının aparıcısı Vedat Milor hesab edir ki, yemək və cinsəllik arasında əlaqə var.

Publika.az "Hürriyet"ə istinadən xəbər verir ki, bu barədə dequstator Hakan Gencenin suallarını cavablandırarkən danışıb. O, həm də türk yeməklərindən söz açıb.

"Mətbəximizdə çox fərqli dadlar var, tarhana şorbası ən çox sevdiyim türk yeməyidir. Əsl Adana kababını da sevirəm. Tez-tez lahmacun da yemək istəyirəm", - dequstator qeyd edib.

İçli və çiy köftə vurğunu olduğunu qeyd edən məşhur tənqidçi heç zaman toyuq yeməyəcəyini bildirib.

"Cinsi əlaqə ilə yemək arasında mütləq əlaqə var. Qida və cinsəllik, dünyada ləzzət axtarışının və müəyyən bir həzzi maksimum yaşamağın iki fərqli yoludur. Bir-birini çox yaxşı tamamlayırlar. Hər ikisi də duyğularımıza xitab edən şeylərdir, insanların ən yaxşı tərəflərini ortaya çıxarır", - tənqidçi qeyd edib.