İsrail ordusu Qəzza zolağının cənubundakı Xan Yunis şəhərində güclü toqquşmalar olduğunu açıqlayıb.
Publika.az xəbər verir ki, bununla bağlı İsrail ordusundan yazılı açıqlama verilib. Açıqlamada İsrail qüvvələri ilə Qəzzadakı müqavimət qrupları arasında şiddətli toqquşmaların olduğu bildirilib.
Bəyanatda İsrail Hərbi Hava Qüvvələrinin Xan Yunisin müxtəlif bölgələrinə hücumlar təşkil etdiyi və HƏMAS-a aid hərbi hədəflərin vurulduğu bildirilib.
İsrail qüvvələrinin İzzəddin əl-Qəssam Briqadalarına aid infrastruktur obyektinə hücum etdiyi və bir binada çoxlu sayda tank əleyhinə raket tapıldığı da qeyd olunur. İsrail Hərbi Dəniz Qüvvələrinin də Qəzza zolağı sahillərinə yaxın ərazilərə intensiv hücumlar təşkil etdiyi bildirilib.
Roza Şəfiyeva
