Türkiyənin ilk astronavtı Alper Gezeravcının kosmosa səyahəti yanvarın 18-i gecə saatlarında başlayacaq.
Publika.az xəbər verir ki, prezident Rəcəb Tayyib Ərdoğan 9 fevral 2021-ci il tarixində Milli Kosmos Proqramını açıqlayıb. O, kosmosa 10 hədəf arasında Türkiyə vətəndaşının da göndərilməsi ilə bağlı başlatdığı layihənin sona çatdığını bildirib.
Açıqlamada sözügedən təcrübələrin mikroqravitasiya və kosmik mühitlərdə, insan genetikası, insan sağlamlığı, biologiya, materialşünaslıq, istehsal texnologiyaları və təməl elmlər sahələrində aparılacağı bildirilib.
Gezeravcının Ax-3 uçuşunda ABŞ və İspaniyanı təmsil edən missiya lideri Michael Lopez-Alegria, İtaliya Hərbi Hava Qüvvələrindən pilot Valter Villadei və Avropa Kosmik Agentliyi adından İsveçli Markus Vandt da iştirak edəcək.
Mərasimi 17 yanvar saat 23.00-dan etibarən Ankara-Kızılay və İstanbul-Taksimdəki planetariumlardan izləmək olar.
Roza Şəfiyeva
