Sursat çatışmazlığı və rotasiya ilə bağlı problemlər səbəbindən Ukrayna silahlı qüvvələri ərazinin böyük hissəsinə nəzarəti itirmək riski daşıyır.
Publika.az xəbər verir ki, bu barədə almaniyalı hərbi ekspert Karlo Masala xəbərdarlıq edib.
“Fikrimcə, əgər döyüş sursatı məsələsi, eləcə də rotasiya məsələsi həll olunmasa, ukraynalılar indiyə qədər yaxşı müdafiə etdikləri şəhərləri yaxın gələcəkdə tərk etmək məcburiyyətində qalacaqlar”, - o qeyd edib. Ekspert onu da əlavə edib ki, Ukrayna və Avropa İttifaqı üçün Donald Trampın ABŞ prezidenti postuna qayıtması çətin sınaq olacaq, çünki bu halda Avropa ölkələri təkbaşına Kiyevə sponsorluq etmək məcburiyyətində qalacaqlar.
Masala belə qənaətə gəlib ki, Avropa ölkələri Amerikanın edə bilməyəcəyi yardımı kompensasiya etməli olacaqlar.
