İyunun 1-dən Gürcüstana daxil olan hər bir əcnəbinin ölkədə qaldığı müddətdə qüvvədə olacaq tibbi sığortası olmalıdır.
Publika.az xəbər verir ki, bu barədə Rusiya Xarici İşlər Nazirliyi məlumat yayıb.
“Gürcüstanda xarici vətəndaşlara tibbi xidmət ödənilir. Bu baxımdan, Rusiya Federasiyası vətəndaşlarının tibbi sığortaya sahib olması məsləhətdir. 2024-cü il iyunun 1-dən Gürcüstana daxil olarkən tibbi sığortanın olması məcburidir”, - məlumatda deyilir.
Qeyd olunur ki, may ayında Gürcüstanın milli aviadaşıyıcısı “Georgian Airways” həftədə yeddi dəfə Moskva-Tbilisi uçuşu üçün icazə alıb.
Bundan əvvəl Rusiya prezidenti Vladimir Putin Rusiya aviaşirkətlərinin Gürcüstana uçuşlarına qoyulan qadağanı aradan qaldırmışdı.
Xatırladaq ki, Rusiya vətəndaşlarının Gürcüstanaa səfəri üçün vizasız rejim mövcuddur.
Adəm
