Türkiyə sakinləri üç zəlzələdən sonra panikaya düşüb və Yeni il gecəsini avtomobillərində keçirməyi planlaşdırırlar.

Publika.az xəbər verir ki, bu barədə NTV telekanalı məlumat yayıb.

Bildirilib ki, ölkənin cənub-şərqindəki Hakkari vilayətində ardıcıl təkanların davam etdiyi bölgələrdə yanacaqdoldurma məntəqələrində sıx növbələr yaranıb. İnsanlar evlərinə qayıtmağa qorxurlar.

"Zəlzələdən sonra yanacaq üçün növbəyə duran vətəndaşlar avtomobillərində gecələmək istədikləri üçün yanacaq aldıqlarını bildiriblər", - telekanal xəbər verir.

Qeyd edək ki, Türkiyənin cənub-şərqində dekabrın 31-də yerli vaxtla saat 19.37-də 4,4 bal gücündə ilk zəlzələ baş verib. İkinci zəlzələ 19:52 radələrində 3.5 bal gücündə, üçüncü zəlzələ isə 20:06 radələrində 4.5 bal gücündə qeydə alınıb.

Fövqəladə hallar xidmətlərinə hər hansı mənfi nəticələrlə bağlı şikayət daxil olmayıb.

Hüseyn İbadlı