Ukraynadakı münaqişənin həlli üçün vasitəçilik səyləri Ankaranın 2024-cü ildəki xarici siyasət hədəflərinə daxildir.

Publika.az xəbər verir ki, bu barədə “RİA Novosti”-yə Ankaradakı diplomatik mənbə bildirib.

Rusiya prezidenti Vladimir Putin bundan əvvəl bəyan etmişdi ki, İstanbulda aparılan danışıqlarda Ukraynada demilitarizasiya məsələləri razılaşdırılıb.

"Cənab prezident (Ərdoğan - red.) Ukrayna prezidenti Vladimir Zelenski ilə son telefon danışığında Ankaranın hazır olduğunu bir daha təkrarladı. Bu siqnallar ilin əvvəlində tərəflərə veriləcək", - agentliyin həmsöhbəti bildirib.

Moskva əvvəllər dəfələrlə danışıqlara hazır olduğunu bildirsə də, Kiyev onlara qanunvericilik səviyyəsində qadağa qoyub. Qərb Rusiyanı danışıqlara çağırır, Moskva buna hazır olduğunu göstərir, lakin eyni zamanda Qərb Kiyevin dialoqdan daim imtina etməsinə məhəl qoymur.

Kreml qeyd edib ki, hazırda Ukraynada vəziyyətin dinc istiqamətə keçməsi üçün heç bir ilkin şərt yoxdur, Rusiya üçün mütləq prioritet xüsusi əməliyyatın məqsədlərinə nail olmaqdır, hazırda bu, yalnız hərbi yolla mümkündür.

Tural