2024-cü il də keçiriləcək prezident seçkilərində Respublikaçılar Partiyasından namizədliyini açıqlayan və ölkənin müxtəlif bölgələrində seçki mitinqlərinə başlayan keçmiş prezident Donald Tramp son 10 gündə ikinci zərbəni alıb.

Publika.az xəbər verir ki, Kolorado Ali Məhkəməsinin ardınca Men ştatında da Trampın seçkidə iştirak edə bilməyəcəyinə qərar verilib.

Kolorado ştatının ali məhkəməsi tərəfindən qəbul edilən qərarı ştatın Demokrat Partiyasının baş katibi Şenna Belovs şərh edib. Belovs qərarın ABŞ Konstitusiyasının "qiyama və ya üsyana" qarışan məmurların dövlət vəzifəsi tutmasını qadağan edən 14-cü maddəsinə əsaslandığını bildirib. Xatırladaq ki, 6 yanvar 2021-ci ildə Konqresə basqının məhz Trampın əmri ilə gerçəkləşdiyi iddia olunur.

Donald Trampın kampaniya komandasının sözçüsü Steven Cheung qərarın ləğvini tələb etmək üçün Men Ştat Məhkəməsinə müraciət edəcəklərini açıqlayıb.

Cəmilə