Koreya Xalq Demokratik Respublikası (KXDR) tərəfindən buraxılan raket Sarı dəniz üzərində parçalanıb.

Publika.az xəbər verir ki, bu barədə Cənubi Koreya ordusundan bildirilib.

Yaponiya Sahil Mühafizəsi də məlumatı təsdiqləyib.

Daha sonra Şimali Koreyanın Milli Aerokosmos Texnologiyaları Administrasiyası da hərbi kəşfiyyat peykinin orbitə çıxarılması cəhdinin uğursuz olduğunu açıqlayıb. Agentlik uğursuzluğa peyki orbitə aparmalı olan raketin buraxılışdan bir qədər sonra havada partlaması səbəb olduğunu bəyan edib.

Qeyd edək ki, KXDR Yaponiyanı mayın 27-dən iyunun 3-dək olan müddətdə hərbi kəşfiyyat peykini orbitə çıxaracağı barədə məlumatlandırıb. Yaponiyanın “J-Alert” fövqəladə hallar barədə xəbərdarlıq sistemi vasitəsilə Okinava prefekturasının sakinləri möhkəm binalarda və ya yerin altında sığınmağa çağırılmışdı.