Həkim-terapevt, diyetoloq və məşqçi De Dek hesab edir ki, Akkermansia adlı faydalı bakteriya növü bağırsaqlara daxil olduqda, "Ozempic" dərmanı rolunu yerinə yetirir. Bakteriya qlükaqona bənzər peptid-1-ə (GLP-1) də təsir edir, iştahı yatırır və arıqlamağı stimullaşdırır.

Publika.az xəbər verir ki, o, "TikTok"da yemək istəyini azaltmağın və arıqlamağın təsirli yolunu açıqlayıb. Mütəxəssis qeyd edib ki, bağırsaqlarda Akkermansiya yoxdursa, arıqlamaq problemə çevrilir.

O, faydalı bakteriyaların çatışmazlığını aradan qaldırmaq üçün iki variant açıqlayıb: birincisi, prebiyotiklərin qəbulu, ikincisi hər gün tərəvəz və meyvələr yemək.

"Yüksək lifli rasionun GLP1 səviyyələrini artırdığı göstərilib. Mənfi təsirlərə səbəb olan “Ozempic”dən fərqli olaraq, bakteriyalar təhlükəsizdir və sağlamlığa zərər vermir", - həkim yekunda bildirib.

Aytən