Avropa Parlamentinə keçirilən son seçkilərin nəticələrinə görə, Brüsselin siyasətində hər hansı dəyişiklik gözlənilmir.

Publika.az xəbər verir ki, bunu Rusiya Federasiyasının Avropa İttifaqındakı (Aİ) daimi nümayəndəsi Kirill Loqvinov deyib.

“Mən Avropa İttifaqının Rusiya ilə bağlı siyasətində hər hansı dəyişikliyin olacağını gözləməzdim", - Loqvinov “Rossiya-24” telekanalının efirində deyib.

O bildirib ki, Avropa İttifaqı dünya miqyasında dominant mövqeyi saxlamaq siyasətinə sadiq qalacaq.

Qeyd edək ki, iyunun 6-dan 9-dək Avropa İttifaqının 27 ölkəsində Avropa Parlamentinə seçkilər keçirilib. İlkin məlumatlara görə, ümumi seçici fəallığı 51 faiz təşkil edib.

Avropa Parlamentinə seçkilərdə Avropa Komissiyasının hazırkı rəhbəri fon der Leyeni dəstəkləyən Avropa Xalq Partiyasının lider olduğunu göstərən sorğu məlumatları dərc edilib.

İlkin məlumatlara əsasən, kansler Olaf Şoltsun rəhbərlik etdiyi Almaniya Sosial Demokrat Partiyası (SPD) seçkilərdə 14,4 faiz səslə yalnız üçüncü, Fransada Emmanuel Makronun Renessans Partiyası isə 15,4 faiz səslə ikinci yerdə qərarlaşıb.

Fransa prezidenti partiyasının zəif nəticələrindən sonra Milli Assambleyanın buraxıldığını və iyunun 30-da birinci turu keçiriləcək növbədənkənar parlament seçkilərinin çağırıldığını elan edib.

Adəm Abbaslı