Prod by XSON
Ötən gün Saatlı stansiyasından 10 km şimalda, Sabirabad rayonunda və Xəzər dənizində zəlzələ qeydə alınıb.
Məsələ ilə əlaqədar Qutb.az AMEA-nın nəzdində Respublika Seysmoloji Xidmət Mərkəzinin baş direktoru Qurban Yetirmişli ilə əlaqə saxlayıb.
O saytımıza açıqlamasında bildirib ki, Xəzər dənizində və Sabirabadda qeydə alınan zəlzələlər zəif, yüngül təkanlar olub.
“Demək olar hər gün Azərbaycanda müəyyən yeraltı təkanlar baş verir. Bu təkanların bir qismi hiss olunur, digərləri isə əhalinin hiss edə bilməyəcəyi qədər zəif olur. Narahatlıq üçün heç bir əsas yoxdur”.
Seysmoloqun sözlərinə görə, hazırda ölkə ərazisində güclü, dağıdıcı zəlzələ riski olan bir bölgə müşahidə edilmir:
“Bunlar sadəcə fon səviyyəsində qeydə alınan təkanlardır. Əhalini təşvişə düşməməyə çağırırıq”,- Q.Yetirmişli qeyd edib.
