Ukraynada nizamlanma ilə bağlı saziş imzalamağın vaxtı çatıb.

QÜTB.AZ xəbər verir ki, bunu ABŞ Prezidenti Donald Tramp "Truth" sosial şəbəkəsində Putinə müraciətində bildirib.

ABŞ lideri rusiyalı həmkarı Vladimir Putini Ukraynada müharibəni bitirməyə çağırıb:

"İqtisadiyyatı hazırda çökməkdə olan Rusiyaya və prezident Putinə böyük bir yaxşılıq etmək niyyətindəyəm. Gəlin bu axmaq müharibəni indi dayandıraq! O, yalnız vəziyyəti daha da pisləşdirəcək. Əgər tezliklə razılığa gələ bilməsək, Rusiyanın ABŞ-a və bu tədbirə qoşulan digər ölkələrə satdığı bütün məhsullara yüksək vergi, rüsum və sanksiyalar tətbiq etməkdən başqa yolum qalmayacaq".

Tramp qeyd edib ki, Ukrayna münaqişəsini asan və ya çətin yolla bitirmək olar: "Mən asan yola üstünlük verirəm. Rusiyaya zərər vermək istəmirəm".

O, rus xalqını sevdiyini və Prezident Vladimir Putinlə həmişə yaxşı münasibəti olduğunu vurğulayıb.