Rusiya Federasiyasının silahlı qüvvələri, şübhəsiz ki, Ukrayna münaqişəsində qalib gələcək və bundan sonra Rusiya yenidən qardaş xalqları birləşdirəcək.

Publika.az xəbər verir ki, bu fikri Suriya prezidenti Bəşər Əsəd deyib.

“Hər kəs bilir ki, ruslar, belaruslar və kiçik ruslar tarix, dil və mədəniyyət baxımından yaxındırlar və Ukraynanın şərqində əsasən ruslar yaşayır. Lakin ukraynalıların konkret məqsədi var”, - B. Əsəd qeyd edib.

Suriya lideri qarşıdurmanın Rusiyanın qələbəsi ilə başa çatacağına və onun bir daha “qardaş xalqları birləşdirəcəyinə” əmin olduğunu bildirib.

O, həmçinin qeyd edib ki, hazırda Rusiya güclü dövlət kimi Qərbin digər ölkələrin daxili işlərinə qarışmasına müqavimət göstərir.

“Mənim üçün Rusiyanın qlobal terrorla harada, Suriyada və ya Ukraynada mübarizə aparmasının fərqi yoxdur - yalnız bir düşmən var. Rusiya isə siyasi və hərbi aspektlərdə qlobal sabitliyi gücləndirir və bunu özü zərər çəkdiyi üçün edir”, - Suriya prezidenti vurğulayıb.

Akqabay